Ganting Galaw sa mga Teoryang Pampanitikan

Teoryang Queer

Girl, Boy, Bakla, Tomboy

Ni Noel Lapuz

Natutunan:

           Natutunan ko na dapat magkaroon tayo ng respeto sa isa’t-isa. Dapat nating igalang kung ano man ang landas na tatahakin ng isang tao lalo na ng mga LGBT dahil wala hindi naman tayo ang nag dedesisyon ng kanilang buhay. Wala tayong karapatang manghusga at tapakan ang kanilang pagkatao dahil pareho lang tayong tao na namumuhay sa mundong ito. Ang respeto ay hindi hinihingi at kusa itong binibigay sa mga taong karapat dapat bigyan nito, mga namuhay na may malinis na hangarin,  dignidad at walang tinatapakang tao.  Natutunan ko na ito ay isa sa mga halimbawa ng Teoryang Queer.

Reaksyon:

             Ang sanaysay na ito ay naglalahad ng mga pangyayari sa ating lipunan. Kagaya  ng diskriminasyon sa mga taong nabibilang sa LGBT. Umaayon ako sa sinabi ng may akda sa kanyang sinulat dahil dapat nating irespeto ang bawat tao na nabubuhay sa mundo. Nakakainis kasi yung mga taong kung maka husga akala mo perpekto sila, hindi nila alam na nakakasakit na pala sila ng damdamin ng isang tao.  Dapat talaga nating bigyan ng pantay na pagtingin ang bawat kasarian.Bigyan natin ng respeto ang lahat ng tao sa mundo at  sanay wag nating tingnan ang kanyang katauhan o ang kanyang kasarian dahil pareho lang tayong tao na mahal ng ating Panginoon at pantay tayong lahat sa paningin niya. Angkop naman ang teorya dahil layunin ng panitikan nan ito ba isulong ang karapatan at labanan ang diskriminasyon sa mga nabibilang sa ikatlong kasarian tulad ng bakla at tomboy.

Teoryang Klasisismo

Ang Tondo man ay may Langit Din

Ni Andres Cristobal Cruz

Natutunan:

                 Natutunan ko na huwag nating husgahan ang isang lugar base lang sa ating narinig o huwag naman nating lahatin. Hindi naman sa lahat ng pagkakataon ay puro away, ingay, dumi  lang ang makalarawan sa lugar na Tondo. Mayroon din naman itong magagandang pangyayari na hindi malilimutan ng isang tao base na rin sa kanyang mga karanansan. Sa pagmamahal, hindi hadlang ang estado ng buhay sa pag-iibigan ng dalawang tao. Kung tunay at wagas ang iyong pagmamahal ay wala ng makakapantay o makakahigit pa. Kahit ano mang pagsubok ang dumating ay handa kayong ipaglaban ang inyong mga karapatan magkaroon lamang ng maligaya o masayang wakas. Natutunan ko rin na ito ay napabilang teoryang Klasisismo dahil ipinapakita ditto ang dalawang estado ng buhay ng tao na hindi magiging basehan para magkaroon ng tunay na pagmamahal.

Reaksyon:

                     Ang kwentong ito ay naglalahad ng mga pangyayari tungkol sa estado ng dalawang tao na hindi maging hadlang upang ipasakatuparan ang mga pangarap. Bilib ako sa tapang at galing  ni Victor dahil kahit ano mang pagsubok o dagok sa buhay ang kanyang natatamasa ay hindi pa rin siya sumuko. Bumabangon pa rin siya at handing harapin lahat ng pagsubok o problemang dumarating. Napakaganda ng kwentong ito dahil sa pagmamahal ng dalawang taong handing ipaglaban ang isa’t-isa kahit estado man ng buhay ay magkaiba. Akma rin ang teoryang napili dahil ang klasisismo ay may layunin na mgalahad ng payak, ukol sa pagkakaiba ng estado ng buhay na dalawang nag-iibigan.

Teoryang Realismo

Si Intoy Syokoy ng Kalye Marino

Ni Eros Atalia

Natutunan:

                   Natutunan ko sa kwentong ito na kahit gaano ka hirap ang buhay o ang pamumuhay ng isang tao ay dapat paring mag-isip kung ano ang tama at mali. Kahit ano mang trabaho ang magagawa basta’t ito ay marangal at hindi ka nagkasala ay dapat mong ipagmalaki ito. Kagaya ni Intoy Syokoy na taga linis ng tahungan, siya’y kontento na sa kanyang buhay hindi na siya naghahangad pa ng mas marangyang buhay na naglalakihang sweldo basta’t marangal at hindi ka nakakasakit ng tao ay dapat ng ipagmalaki iyon. Natutunan ko rin na sa Teoryang Realismo, dito inilalahad ng may akda ang kanyang mga nasakshan mula sa kanyang lipunang kinabibilangan ngunit isinaalang-alang dito ang kasiningan ng kwento.

Reaksyon:

                       Ang kwentong ito ay sumasalami sa pamumuhay ng mga taong salat sa pera o ang kahirapan ng pamumuhay ng tao. Hanga  pa rin ako kay Intoy Syokoy dahil kahit mahirap man ay  kumakayod pa rin siya ng maigi at kahit gaano ka hirap man ang trabaho ay malinis at marangal pa rin ito. Hindi katulad ni Doray  na ibinibenta ang kanyang pagka babae para lang magkaroon ng pera. Kung ako ang nasa sitwasyon niya ay hindi ko gagawin iyon, dahil may marami namang marangal na trabaho ang iyong magagawa. Mas mabuti ng mag benta ng tilapia kaysa magbenta ng iyong sarili sa ibang tao. Dahil na rin siguro sa kahirapan ay kaya nagawa iyon ni Doray pero nagkamali lang siya dahil hindi iyon ang tamang paraan sa paghahanap buhay. Angkop naman ang teorya sa kwento dahil sa nasaksihan ng may akda sa lipunan o sa totoon buhay.

Teoryang Arkitaypal

Gapo

Ni Lualhati Bautista

Natutunan:

                  Natutunan ko na dapat huwag nating hayaang tapakan  tayo ng sino mang tao dahil lahat tayo ay pantay-pantay. Kahit ano mang kulay ng ating balat kayumanggi man o puti ay huwag nating husgahan o alilain ang isang tao. Huwag nating hayaan sakupin tayo ng ibang dayuhan at magsasawalang bahala lang tayo. Dapat kumilos tayo at mas tangkilikin ang sariling atin.Kaya bilang isang Pilipino dapat mas pinagtutuonan natin ng pansin ang sariling atin at dapat nating ipagmalaki ang gawang Pinoy.  Natutunan ko sa Teoryang Arkitaypal, gumagamit ito ng modelo o huwaran upang masuri ang akda. Gaya nga ng mga Amerikano, kapag nakakarinig tayo ng Amerikano o Amerika ang  pumapasok kaagad sa ating isipan ay mahal, imported at nakakaangat pa sa atin.

Reaksyon:

                    Ang nobelang ito ay tumatalakay sa sa probelamang nababalot sa mga Amerikano laban sa mga Pilipino. Napakasakit isipin dahil mismo sa ating Lupang sinilangan ay tayo ang inaalila at ginawang sunod-sunuran sa mga dayuhan. Pero si Mike kahit may dugong Amerikano ay puso’t diwa ay tunay na Pilipino. May malawak na kaalaman, mapagmahal sa pamilya at kaibigan. Bilib ako kay Mike dahil handa niyang isugal ang sarili sa pakikipaglaban mabigyan lamang ng hustisya o kasagutan ang nangyari kay Magda. Naiinis rin ako minsan kay Magda dahil halos lahat ng binibili o kinakain ay gustong imported at hindi man lang niya inalam kung ano ang magiging epekto nito sa kanyang buhay. Angkop naman na Teoryang Arkitaypal dahil gumagamit ito ng modelo o huwaran upang massuri ang element ng akda.

Teoryang Pormalistiko

Sandaang Damit

Ni Fanny Garcia

Natutunan:

                Natutunan ko na kung mayroon man tayong mga kakilala na medyo mas mababa sayo, ay huwag mo na sanang tuksuhin pa o pagkatuwaan dahil nakakasakit ito ng damdamin. Huwag natin silang tuksuhin at alilain upang hindi sila makagagawa ng kasalanan na kahit labag sa kalooban ay ginawa nila para lang hindi na siya ang sentro ng mga pagtutukso. Dapat huwag rin nating ugaliin ang pagsisinungaling at baka madala natin ito hanggang sa pagtanda.

                 

Reaksyon:

                          Ang kwentog ito ay nagsasaad ng mga pangyayari sa isang bata na palaging tinutukso dahil siya’y mahirap at ang kanyang damit ay pabalik-balik lang. Hindi tama ang ginawa ng kanyang kaklase na tuksuhin at siya’y pagtulungan dahil wala naman siyang ginawang masama at wala naman siyang kasalanan kung pinanganak siyang mahirap lamang. Dahil na rin sa panunukso ng mga kaklase ay nakapagsinungaling ang bata na dapat ay huwag tularan upang hindi makaugalian ng isang bata. Sana ay pinabayaan na lamang ng bata ang kanyang kaklase na tuksohin siya hanggang sila na ang mapagod at hindi na gagambala sa kanya. Pero hindi natin masisisi ang isang bata dahil ginawa lang niya ang desisyon na sa tingin niya ay tama at makapagpabago ng lahat. Angkop naman ang Teoryang Pormalistiko dahil hindi na ito kailangan pa ng malalimang pagsusuri at ipinaparating ng may akda ang nais niyang ipabatid sa mga mambabasa.

Teoryang Humanismo

Paalam sa Pagkabata

Ni Nazareno D. Bas

Natutunan:

                     Natutunan ko na kahit gaano pa ka laki ang kasalanang ginawa ng isang tao ay dapat marunong tayong magpatawad. Huwag maging mapagmataas at hayaan mong ibaba ang iyong sarili para sa iba. Sa sitwasyon ni Celso hindi pa man niya masyadong maintindihan ang nangyayari sa kanyang buhay ay balang araw malalaman na rin niya ang buong katotohanan. Siya na mismo ang magtahi-tahi ng mga pangyayari sa kanyang buhay. Natutunan ko rin na dapat pahalagahan natin an gating pagka bata dahil minsan lang ito dumaan sa ating buhay. Gumawa tayo ng mga masasaayang alaala sa ating buhay na sa atig pagkabata lang mararanasan. Sa teaoryang Humanismo rin binibigyang halaga ang dignidad at damdamin ng isang tao.

Reaksyon:

                  Ang kwentong ito ay napapatungkol sa isang bata na minsa’y naguguluhan sa kanyang buhay. Napaka lungkot ng buhay ni Celso dahil hindi niya pa talaga lubos na maunawaan ang mga pangyayari sa kanyang buhay. Hindi niya alam kung bakit palaging umiiyak ang kanyang ina tuwing tinitingnan ang lambat.

Sa kalagayan naman ng kanyang ina, ito’y hindi dapat tularan dahil nagawa niyang makipagtalilkkahit hindi naman niya nakita ang mukha o ang katauhan ng isang tao. Diba kapag mahal mo ang isang tao at matagal na kayong magksamama ay lahat ng kanyang postura, pisikal man, ang kanyang amoy ay malalaman mo na. Pero hindi ko rin nagustuhan ang ginawa ng ama dahil huwag sanang I daan sa dahas ang lahat dahil pinagsisihan na iyon ng ina at ang bata ay walang muwang o kasalanan sa nangyari. Angkop ang teoryang Humanismo dahil nagbibigay ito ng halaga sa dignidad ng tao  kabilang nito ang kanyang isip at damdamin.

Teaoryang Ekspresyonismo

Caregiver

Ni Chito S. Rono

Natutunan:

                        Natutunan ko na kung may maayos  ka namang trabaho ay sana’y huwag ng magtrabaho at manilbihan pa sa ibang bansa. Mas maganda at nakakagaan ng loob na ang iyong pinagsisilbihan o tinuturuan ay ang mga batang Pilipino. Ikaw ang magsisilbing gabay sa landas na kanilang tatahakin. Diyan magmumula ang kaalaman na dapat malaman ng mga magi-aaral. At kung may-away man sa inyong mag-asawa ay dapat pinag-uusapan ng mabuti    hindi yong maghihiwalay nal lang agad. Paano naman ang anak na gustong magkaroon ng buo at masayang pamilya pagdadamutan mo ba iyon?Natutunan ko rin na dapat bigyan natin ng halaga ang sakripisyong ginawa ng mga OFW dahil ginawa nilang lahat para lang sa pamilya. Humahanga ako sa tapang at lakas na kanilang ginawa alang-alang sa kanilang pamilya. Kahit malayo man sa kanilang pamilya ay titiisin nila magkaroon lang ng ginhawang pamumuhay ang pamilya. Natutunan ko rin sa Teoryang Ekspresyonismo dahil tuwirang ipinapahayag ng may-akda ang kanyang kaisipan at damdamin. Tulad sa pelikula na nagsisilbing repleksyon na sumasalamin sa lahat ng uri ng tungkuling ginampanan ng mga OFW.

Reaksyon:

                       Sa pelikulang ito masasalamin ang mga paghihirap at sakripisyong ginawa ng mga caregiver sa ibang bansa. Hindi ko nagustuhan ang desisyon ni Sarah na pumunta sa ibang bansa at doon magtrabaho dahil marangal naman ang kanyang trabaho lalo na’t siya ay isang guro na may ranggo. Isa lang naman ang kanilang anak at doctor pa ang kanyang ang kanyang asawa. Parang hindi pa siia na kontento sa kanilang buhay. Kung ako sa kanila mas pipiliin ko pa ang magtrabaho sa sariling bansa at maging guro. Mas gusto kong mag lingkod sa ating bayan at magturo sa mga bata kaysa naman sa ibang bansa na parang alilain at maging sunod-sunoran sa mga dayuhan. Angkop naman ang teoryang Realismo dahil ipinapahayg ng manunulat ang kanyang kaisipan at damdamin. Pero para sa akin pwede rin naman siya sa Realismo dahil ito yung mga nangyari sa lipunan o totoong buhay. Hindi nga lang tuwirang katotohanan dahil ginagamitan ng may akda ng pagka masining upangh maging kawili-wili at makakuha ng atensyon sa mambabasa

Teoryang Markismo

Sandaang Damit

Ni Fanny Garcia

Natutunan:

                    Natutunan ko na dapat hindi ugaliin ang pagsisinungaling dahil dahil ito’y maling pag-uugali na di dapat makasanayan. Dapat ay dahan-dahan nating turuan ang mga bata kung ano ang tama at maling gawain upang itoy hindi maka sanayan.Dahan-dahan nating ipa-unawa sa mga bata na ang pagsisinungaling ay di dapat gawin. Sa mga bata ring mahilig mang-api ay dapat mas gabayan pa sila at turuan na hindi tama ang kanilang ginagawa at gabayan sila sa mga tamang gawain. Natutunan ko na sanayin  ang mga bata na maging matulungin at mapagbigay sa lahat ng mga nangangailangan. Kagaya sa kwento, nang makita nila kung gaano ka hirap ang pamumuhay ng batang kanilang inaapi ay napagtanto nila sa kanilang sarili na dapat siyang tulungan at hindi apihin. Ang kwentong ito ay hindi sa teoryang Markismo at mas angkop ito sa teoryang Pormalistiko.

Reaksyon:

                      Ang kwentong ito ay nagsasaad ng mga pangyayari sa isang bata mga  pagsubok at kung paano niya ito malalampasan. Siya’y palaging tinutukso dahil sa kanyang damit na pabalik-balik na at ito ay mga luma na. Nakakasakit isipin na may mga taong walang alam kundi ang mang kutya ng ibang tao at pilit na tinatamakan ang katauhan ng isang tao. Hindi ko nagustuhan ang mga ginawa ng mga kaklase ng bata dahil palagi lang nila itong inaapi at ito’y hindi tamang pag-uugali.sa halip sana’y tulungan ay mas lalo pa nila itong inaapi at kinukutya. Hindi ko rin nagustuhan ang naging paraan ng bata upang hindi na siya tuksuhin dahil ito ay maling paraan. Pero hindi naman natin masisisi ang isang bata dahil hindi niya pa talaga alam kung ano ang tama at mali. Para sa akin, ito’y hindi napabilang sa teoryang Markismo dahil ang layunin ng Markismo ay ipakita na ang tao ay may kakayahan na umangat sa buhay na magsisilbing modelo para sa mga mambabasa. Ang ginawa ng bata ay hindi dapat gayahin ng mga mambabasa dahil ito ay maling pag-uugali o paraan na di dapat gayahin. Mas nababagay ito sa teoryang Pormalistiko dahil tuwiran nitong isinasalaysay ang nais nitong ipabatid at hindi na kailangan ng malalimang pagsusuri.

Teoryang Feminismo

Nanay Masang sa Calabarzon

Ni Sol F. Juvida

                  

Natutunan:

                    Natutunan ko na bilang isang babae, huwag nating hayaang maging sunod-sunoran lamang. Dapat nating ipakita sa lahat  ng tao na may kakayahan tayong ipaglaban ang sarili.Hindi dapat tayo ma kontento sa mga bagay na nagbibigay sa tin ng limitasyon. Kung kaya ng mga lalaki, kaya rin naman ng mga babae. Dapat nating ipakita kung ano ang meron tayo. Mga bagay nan a di inaakala ng lahat na magagawa ng mga kababaihan. Kagay lang ni Nanay Masang, buong tapang niyang hinarap ang kanyang mga kalaban. Handa niyang ibuwis ang kanyang buhay makamtan lang ang minimithing panalo o tagumpay laban sa mga gobyerno. Natutunan ko rin na ito ay Teoryang Feminismo dahil nakatuon ito sa mga kababaihan na may kakayahang umangat at ipagtanggol ang mga sarili.

Reaksyon:

                  Sa kwentong ito pinapakita na ang mga kababaihan ay may karapatang mamuno sa ano mang pagsubok na dumating. Bilib ako sa tapang na ipinakit ni nanay Masang sa kwento dahil hindi siya takot mabaril at mas takot siya sa gutom dahil unti-unti ka nitong papatayin. Kahit ibuwis man niya ang kanyang buhay ay handabniyang harapin ang mga ito makamit lang ang kanilang ipinaglalaban. Sumasang-ayon ako sa kwentong ito dahil kahit babae ay may lakas at tapang na harapin ang mga pagsubok sa buhay. Napakaganda dahil ibinabandera nito ang kakayahan ng mga kababaihan na mamuno at proteksyunan ang kanilang mga sarili. Angkop naman ang Teoryang Feminismo dahil layunin nitong ipakita na ang mga kababaihan ay may kakayahang umangat at ipagtanggol ang kanyang karapatan.

Teoryang Bayograpikal

Mga ala-ala ng isang mag-aaral sa Maynila

Ni P. Jacito

Natutunan:

                 Natutunan ko na napakahalaga talaga ng pag-aaral dahil ito ang magsisilbing kayamanan na ibinigay sa ating mga magulang. Kaalaman na hindi mananakaw nino man. Dapat talaga tayong mag-aral ng mabuti upang masuklian natin ang paghihirap na ginawa n gating mga magulang makapag-aral lang tayo. Sa buhay pag-ibig naman dapat pag nararamdaman mong siya na talaga ay dapat huawag ng magduwag-duwagan pa upang hindi magsisi sa huli. Ipaglaban mo kung may karapatan ka at bitawan mo kung ito ay hindi pa sayo. Natutunan ko na ito ay sa Teoryang Bayograpikal dahil nagsasalaysay ito sa buhay ng may-akda na nagbibigay ng aral sa ting buhay .

Reaksyon:

                 Ang talaarawang ito ay napapatungkol sa kanyang buhay sa pakikipagsapalaran ni Jose Rizal sa Maynila. Ako’y lubos na humahanga sa katalinuhang taglay ni Jose Rizal dahil sa  kanyang mga ginawa at ang kanyang mga napag-aralan. Napakalawak na ng kanyang kaalaman dahil sa pag-aaral ng maigi at napaka ganda ng mga kursong kinuha niya.ako ay naantig sa kanyang buhay pag-ibig dahil hindi ito nauwi sa magandang  wakas. Sana kung pinagtapat niya ng maaga ang kanyang naramdaman ay hindi sana siya maghihinayang. Sana ay sinabi kaagad niya kay Segunda Katigbak ang tunay niyang naramdaman dahil wala namang mawawala kung sususbukan. Hindi sana siya nagsisisi kung hindi siya naging duwag sa kanyang pag-ibig para kay Segunda Katigbak. Angkop naman ang teoryang napili dahil sa teoryang Bayograpikal, layunin nitong ipabatid sa mga mambabasa ang buhay ng may-akda. Mga mahahalagang pangyayari sa buhay ng may-akda na mapupulutan ng aral at magsisilbing gabay sa mga mambabasa.

Teoryang Imahismo

Ang Relis sa Tiyan ni Tatay

Ni Eugene Y. Vasco

Natutunan:

                     Natutunan ko na dapat nating bigyan ng halaga ang lahat ng sakripisyong inalay ng ating ama o mga magulang maitawid lamang tayo sa kahirapan ng buhay. Dapat natin silang pasalamatan sa kanilang ginawa. Walang hanggan na pagmamahal ang kanilang alay at binigay ang lahat ng ating mga pangangailangan. Natutunan ko na dapat natin silang ipagmalaki sa lahat ng tao dahil sa mga sakripisyong kanilang ginawa maitawid lang tayo sa kahirapan ng buhay.  Ipinakita ng may-akda na ang pagbebenta ng bato ay isang imahen ng isang damamin o pagmamahal ng isang ama para lang maitawid sa hikahos na hirap ng pamilya. Natutunan ko rin na ito ay napabilang sa Teoryang Imahismo dahil sa mga imahen na nakakatulong upang mas higit na maunawaan ng mga mambabasa ang kaisipan o ideya na nais ipabatid ng may-akda.

Reaksyon:

                 Ang kwentong ito ay tungkol sa isang ama na handing gawin lahat para lang sa kanyang pamilya. Nakakaantig na puso’t damdamin ang ginawa ng ama dahil ibinenta niya ang kanyang bato para lang matawid ang buhay o pamumuhay ng pamilya. Napakaganda ng kwentong ito dahil sumasagisag ito sa kabayanihan at sakripisyo ng isang ama para lang magkaroon ng magandang buhay ang kanilang pamilya. Lahat ng magulang gustong magkaroon ng maginhawang buhay para sa kanilang mga anak. Kagaya sa kwentong ito hindi lamang siya nakatulong sa kanyang pamilya kundi nakatulong rin siya sa taong nangangailangan ng bato.

Handang gawin ng isang ama mataguyod lamang ang kanilang pamilya at makaraos sa pangaraw-araw na pamumuhay. Saludo ako sa ginawa ng ama at sana’y marami pang mga ama ang may ganitong katangian. Angkop siya sa teoryang Imahismo dahil gumamit ng imahen na katulad ng Riles sa tiyan ni Tatay upang mas higit na maipahayag ang damdamin, kaisipan o ideya sa kwento upang mas madaling maunawaan ng mambabasa.

                    

Teoryang Romantisismo

Sayang na Sayang

Natutunan:

                     Natutunan ko sa kwentong ito na kung natagpuan mo na ang para sayo, huwag mo ng bitiwan pa at baka magsisi ka lang sa huli. Ang pagsisisi ay lagging sa huli kaya sana’y magdesisyon tayo ng maigi at alam natin ang landas na tatahakin. Sa buhay may darating at may umalis ng hindi inaasahan. Kung mahal mo ang isang tao, ipakita at iparamdam mo sa kanya ang pagmamahal at pag-aalaga na kailangan. Huwag hinataying masasabi mo sa iyong sarili na sayang na sayang dahil sobrang sakit kung ito’y maramdaman. Kung magmamahal ka man ng iba siguraduhin mong wala ka ng nararamdaman sa iyong nakaraan dahil hindi tamang gawing parang panakip butas ang isa. Natutuna ko na kung magpapakasal man ako ay sa tunay kung minamahal upag ang buhay ko’y magiging masaya kasama siya at wala akong pagsisisihan. Natutunan ko rin na ito ay Teoryang Romantisismo dahil tungkol ito sa pag-ibig o pagmamahalan.

Reaksyon:

                        Ang kwentong ito ay tungkol sa isang pagmamahalan ng dalawang tao na  tila nahantong sa isang napakalungkot na wakas. Napakaganda ng kwentong ito, maraming mga kabataan ang magka interes na basahin ito dahil ito ay tungkol sa pag-ibig. Hanga ako sa determinasyon at sakripisyong ginawa ng lalaki dahil tunay at wagas na pagmamahal ang inalay niya sa babae. Seryoso talaga siya sa panunuyo sa babae, kahit magkaiba man ang estado ng kanilang buhay ay handa pa rin niyang ipagpatuloy ang ag-ibig sa babae. Nakakainis talaga ang ginawa ng babae dahil sobrang pakipot ito, alam naman niyang seryoso yung lalaki at mahal naman niya ito ay pinapahirapan pa rin niya ito. Nakakalungkot dahil binitawan niya ang taong tunay na nagmamahal sa kanya. Kahit may asawa na siya ay siya pa rin ang mahal ng lalaki at mahal rin naman niya ang lalaki pero huli na ang lahat. Hindi tama ang ginawa ng babae dahil nagpakasal siya sa iba na hindi pa nawawala ang pagmamahal niya sa lalaki. Angkop naman ang Teoryang Romantisismo dahil napapatungkol ito sa pagmamahal o pag-iibigan ng dalawa.